Merr një, jeto dy!

Ndodh në Kazakistan, që një zonje "i është dhënë" një jetë ndërsa ajo po jeton dy të tilla. Sakhan Dosova thuhet të ketë lindur më 27 Mars 1879 dhe pasnesër ajo do të festojë ditëlindjen e 130! Ajo tregon që nuk ka shkuar kurrë për vizitë te mjeku e aq më pak të ketë konsumuar barna mjekësore. Tregon që nuk i pëlqejnë ëmbëlsirat, të cilat nuk i ka ngrënë kurrë, por preferon shumë djathrat; në veçanti një lloj djathi të kripur e të tharë tradicional i Kazakistanit "kurt" si dhe "talkan" që është gruri kazak i përpunuar.



Stërmbesa e saj: Gaukhar Kanieva, 42 vjeçe tregon se ajo është gjithmonë e qeshur dhe me siguri kjo ka ndikuar në jetëgjatësinë e saj.

Le të presim datën 27 pra ditën kur do të zyrtarizohet edhe njeriu më i vjetër në botë, me 16 vjetë diferencë nga "kampioni" në fuqi i këtij titulli.