Mediu, ish-Ministri fluturak

Ky eshte lajm 2 jave i vjeter por thash ta publikoja perderisa ne keto ore po qarkullojne lajme se Godo kerkon nje minister per partine e tij. Me pak fjale, per te vetmin deputet qe arriti te kapi nje mandat, dmth per Mediun. Ja kush eshte Mediu, lexojeni sepse eshte fantastik fare...

Ka thyer çdo rekord. Rekordi i tij është thjesht i pabesueshëm. Brenda një periudhe pak më tepër se dyvjeçare, Fatmir Mediu, ish-ministër i Mbrojtjes, ka udhëtuar plot 135 herë jashtë shtetit me një mesatare matematike prej 4.2 udhëtimesh në muaj, që do të thotë pak më shumë se një udhëtim jashtë shtetit në javë. Duke marrë si mesatare tri ditë zgjatje qëndrimi dhe udhëtimi, për një nga këto udhëtime (ka pasur dhe të tjerë që kanë zgjatur dhe shumë më shumë), del se zoti Mediu ka qëndruar jashtë shtetit në kohën që ka mbajtur detyrën e ministrit e pak muaj mbasi ka dhënë dorëheqjen plot 405 ditë krahasuar me vetëm 555 ditë që ka qëndruar në Shqipëri. Një llogari e thjeshtë mund të nxjerrë edhe shpenzimet e përafërta të kryera nga buxheti i shtetit për të përballuar turizmin politik të ish-ministrit të Mbrojtjes. Por asnjë llogari e tillë nuk do të ishte e saktë, sepse shumës së biletave do të duhej t´i shtohej edhe pagesa për plot tetë fluturime me avion charter. Do të duhej t´i shtohej padyshim edhe pagesa e përballuar gjithashtu nga buxheti për deputetët shoqërues apo dhe punonjësit e tij që zoti Mediu merrte me vete në udhëtime, bashkuar me pagesën e dietave, hoteleve e lloj-lloj shpenzimeve të tjera.

Fillon krisja brenda "te djathteve"

Mediu akuza drejtuesve të PD: Dëmtuan votat e koalicionit të djathtë

Deklaratat e drejtuesve të Partisë Demokratike kundër Republikanëve dëmtuan rëndë rezultatin e koalicionit të djathtë “Aleanca për Ndryshim”. Pak ditë pas zgjedhjeve drejtuesi i Republikanëve Mediu hedh akuza të ashpra ndaj drejtuesve të PD që e sulmuan atë në këtë fushate, duke veçuar nga kjo kreun demokrat Berisha. Ndoshta për Mediun do të shërbejë edhe kjo për të paraqitur kërkesat e PR-së për pjesëmarrje në qeverisje.

Gërdeci, shtyhet seanca ndaj Mediut. Shkak Durrës-Kukës

Kolegji Penal vendosi te shtyje per ne vjeshte seancen ne ngarkim te ish- Ministrit të Mbrojtjes Fatmir Mediu. Arsyeja sipas Kolegjit eshte pasi avokatet deklaruan se ishin bllokuar gjate udhetimit ne rrugen Durrës-Kukës

TIRANE-Gjykata e Lartë shtyn për në datën 14 shtator seancën në ngarkim të ish- Ministrit të Mbrojtjes Fatmir Mediu. Në seancën që zgjati vetëm 7 minuta, Kolegji Penal vendosi shtyrjen e seances pasi avokatet deklaruan se ishin bllokuar ne rrugen Durrës-Kukës, e për këtë arsye nuk mund të marrin pjesë në seance. Prokurorët deklaruan në seancë se rruga mbyllet në oren 11:00 të ditës së sotme e per kete arsye avokatet duhet te kishin mberritur ne seance. Gjithsesi Kolegji Penal ne mungese te avokateve e kerkesës së tyre për të shtyre seancen vendosi shtyrjen per me 14 shtator. Sot duhej te niste shqyrtimi i dosjes se vecuar te ish-Ministrit të Mbrojtjes Fatmir Mediu i cili akuzohet per shpërdorim detyre, gje që sipas prokurorisë solli dhe tragjedinë e Gërdecit.
Shpërthimi i një fabrike të çmontimit të municioneve mesditën e 15 marsit të një viti më parë në Gërdec, u mori jetën 26 personave si dhe u plagosën 300 të tjerë. Pas një viti hetimesh, prokuroria vuri nën akuzë 30 persona, ku top-listën e kryesonte ish-ministri i Mbrojtjes, Fatmir Mediu, disa ish-ushtarakë të lartë, administratori i "Alba Demil", Mihal Delijorgji dhe ish-kreu i MEICO-s, Ylli Pinari. Gjykata e Lartë e ndau në tri pjesë dosjen e shumëpërfolur, duke mbajtur për gjykim vetëm ish-ministrin Mediu, ndërsa dosjen për 29 të pandehurit e tjerë ia dërgoi për kompetencë gjykatës së Tiranës.

/BalkanWeb/